អីយ៉ា! ចៅសង្កាត់អូរចាកញ្ញា រ៉ូ ហ្ស៊េត អញ្ជើញលោកឈាង វុន ចូលសាលាសង្កាត់ (មានវីដេអូ)
បាត់ដំបង ៖ ចៅសង្កាត់អូរចា ក្រុង-ខេត្តបាត់ដំបង ជាស្ត្រីវ័យក្មេងដែលល្បីនៅលើបណ្តាញសង្គម ទើបជាប់ឆ្នោតមកពីគណបក្សសង្គ្រោះជាតិ កញ្ញា រ៉ូ ហ្ស៊េត បានស្វាគមន៍យ៉ាងកក់ក្តៅចំពោះវត្តមានរបស់លោក ឈាង វុន អ្នកតំណាងរាស្ត្រមណ្ឌលបាត់ដំបង និងបានអញ្ជើញចូលសាលាសង្កាត់អូរចារ បន្ទាប់ពីអ្នកនាំពាក្យរដ្ឋសភាមកពីគណបក្សប្រជាជនកម្ពុជាលោក ឈាង វុន បានចូលរួមរៀបចំកម្មវីធីប្រគេនទានវស្សា នៅសាលាឧបោសថ ក្នុងភូមិអណ្តូងចេញ សង្កាត់អូរចារ ក្រុងបាត់ដំបង ដែលកម្មវីធីនេះប្រព្រឹត្តទៅកាលពីវេលាម៉ោង២និង៣០នាទីរសៀល ថ្ងៃទី២២ ខែកក្កដា ឆ្នាំ២០១៧ ។
សូមបញ្ជាក់ដោយឡែកថា នៅថ្ងៃទី១៨ ខែកក្កដា ឆ្នាំ២០១៧ ចៅសង្កាត់អូរចា ក្រុង-ខេត្តបាត់ដំបង ដែលទើបជាប់ឆ្នោតមកពីគណបក្សសង្គ្រោះជាតិ កញ្ញា រ៉ូ ហ្ស៊េត និងកូនប្រុសបង្កើតលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ គឺលោក ស សុខា តំណាងរាស្ត្រមណ្ឌលព្រៃវែងមកពីគណបក្សប្រជាជនកម្ពុជា បានចូលរួម ក្នុងកម្មវិធីដង្ហែទានវស្សាមកកាន់វត្ត សាមគ្គីរស្មី ហៅវត្តទួលដូនប៉ុក ដែលស្ថិតនៅក្នុងសង្កាត់អូរចារ ក្រុងបាត់ដំបង ។
យោងតាមគណនីហ្វេសប៊ុកផ្ទាល់របស់កញ្ញា រ៉ូហ្ស៊ែត បានសរសេរថា« ខ្ញុំបាន អញ្ជើញ ឯក ឧត្តម ឈាង វុន អ្នកតំណាងរាស្ត្រមណ្ឌលបាត់ដំបង អញ្ជើញចូលសាលាសង្កាត់អូរចារ » ។ និងផ្សាយផ្ទាល់វីដេអូនៅលើបណ្តាញសង្គមហ្វេសប៊ុក ចង់ដឹងយ៉ាងណាសូមទស្សនាមានដូចខាងក្រោមនេះ ៖
Post a Comment