Samsung ចេញទូរសព្ទបត់ថ្មី តម្លៃ ២៦០ ដុល្លារ
Samsung បានប្រកាសចេញស្មាតហ្វូនបត់ម៉ូដែលថ្មី Folder Flip 2 ដែលនឹងលក់ផ្ដាច់មុខក្នុងប្រទេសកូរ៉េខាងត្បូង។
Folder Flip 2 នេះជាការអាប់ដេតចេញពី Folder Flip ស៊េរីចាស់ ដោយគេរចនាឲ្យមានគ្រាប់ចុចធំជាងមុន ប៉ុន្តែរូបរាងហាក់មិនខុសគ្នាពីស៊េរីចាស់ខ្លាំងប៉ុន្មានឡើយ។ Flip 2 រត់ដោយប្រព័ន្ធប្រតិបត្តិការ Android Nougat, អេក្រង់ ៣,៨ អ៊ីញ, RAM 2 GB, ថ្មថាមពល 1950 mAh,មានអង្គផ្ទុកទិន្នន័យទំហំដល់ 256 GB និង មានជម្រើសពណ៌ខ្មៅ ជាមួយពណ៌ផ្កាឈូក។
ត្បិតថាមិនមានការបញ្ជាក់ពីម៉ូដែលបន្ទះឈីប ប៉ុន្តែគេដឹងថាវាមាន Processor ប្រភេទ Quad-Core រត់ក្នុងល្បឿន 1.4 GHz។ ទូរសព្ទនេះនឹងមានជាពីរប្រភេទ រួមមានប្រភេទ 3G និង ប្រភេទ 4G LTE ដោយមានតម្លៃ ២៩៧ ០០០ វ៉ុន (ប្រហែល ២៦០ ដុល្លារ)៕
Post a Comment