ដឹង​ទេ​ថា​បន្តិច​ទៀត​នឹង​មាន​ក្រុមហ៊ុន​ថ្មី​មួយ​ទៀត នាំ​ចូល​ផលិត​ផល Apple មក​លក់​ដោយ​ស្រប​ច្បាប់​នៅ​ទីផ្សារ​កម្ពុជា

អស់រយៈពេលជិតដប់ឆ្នាំហើយ ដែលផលិតផល Apple ទទួលបានការពេញនិយម ប្រើប្រាស់ខ្ពស់ខ្លាំងមែនទែន ពីសំណាក់ ប្រជាជានកម្ពុជា មិនថាផលិតផល iPhone, iPad រឺកុំព្យូទ័រ Mac នោះទេ។ យ៉ាងណាមិញ ការស្វែងរកទិញ ផលិតផល Apple នៅប្រទេសយើង មិនមែនជារឿង ងាយស្រួល ប៉ុន្មានទេ ព្រោះអី ភាគច្រើន វានាំចូល ដោយឈ្មួញ ដែលមានតម្លៃ មិនប្រាកដប្រជា មិនមានប្រភព ច្បាស់លាស់ គ្មានការធានា ជាលក្ខណៈស្តង់ដាពី Apple ហើយខ្លះទៀត ជាផលិតផល ដែលត្រូវបានគេវេច ខ្ចប់សាថ្មី ទៀតផង។ យ៉ាងណាមិញ នៅក្នុងពេលដ៏ឆាប់ ខាងមុខនេះ នឹងមានក្រុមហ៊ុនថ្មី មួយ​ឈ្មោះ Falcon Tech Co., ltd នឹងនាំយក ផលិតផល Apple មកលក់នៅក្នុង ទីផ្សារប្រទេសយើង ដោយស្រប ច្បាប់តែម្តង។

បើតាមអោយដឹងតាមសម្តីរបស់ នាយកគ្រប់គ្រងក្រុមហ៊ុន Falcon Tech Co., Ltd បានអោយដឹងថា ក្រុមហ៊ុន លោកនឹងធ្វើការ សហការ ជាមួយនឹងក្រុមហ៊ុន Apple ដើម្បីនាំចូល ផលិតផលផល មកចែកចាយ នៅកម្ពុជា ដោយស្របច្បាប់ ដែលនេះ នឹងផ្តល់ ភាពងាយស្រួល ខ្ពស់មែនទែន ទៅដល់អ្នក ប្រើប្រាស់។ ផលិតផល ទាំងនេះ គឺជាផលិតផល ស្របច្បាប់ មានបង់ពន្ធរួច 100% និងនាំចេញ ពីរោងចក្រដោយផ្ទាល់ តែម្តង មិនមែនយក មកពីប្រភព មិនច្បាស់លាស់ នោះទេ។ ផលិតផល Apple ទាំងនេះក៏មាន ការធានា ក្នុងកម្រិត ស្តង់ដារបស់ Apple ផងដែរ ដែលធានា អោយអ្នក ប្រើប្រាស់ពោរពេញ ដោយទំនុក ចិត្តខ្ពស់។

ឆាប់នេះ ហាងលក់ផលិតផល Apple ដែលនាំចូល ដោយ Falcon នេះនឹងលេខមុខ នៅកណ្តាល ទីក្រុង​ ភ្នំពេញហើយ ដោយវានឹង មានលក់ នូវផលិតផល Apple ជាច្រើន មានដូចជា iPhone, iPad, Apple Watch, កុំព្យូទ័រ MacBook និងឧបករណ៍ Accessories Original ជាច្រើនទៀត ដែលបង្កើតឡើង ដោយ ក្រុមហ៊ុន Apple។ តាមដឹង​ ក្រុមហ៊ុនក៏នឹង មានបង្កើត កម្មវិធីផ្តល់ជូន ពិសេសជាច្រើន ទៀតផងដែរ សម្រាប់ការបើក សម្ភោធ ក្រុមហ៊ុនដំបូង។