ចង់ចំណេញដាច់ចំណង!! គ្រូ​បង្រៀន​ម្នាក់ ត្រូវ​នារីជាកម្មករ​រោងចក្របបួល​ចូល​ផ្ទះសំណាក់វ៉ៃសិច​ជាង ៣​ម៉ោងចេញពីបន្ទប់ទឹកវិញ នាងស៊ីដាច់អស់​​ម៉ូតូ​​មួយ​គ្រឿង​

រាជធានីភ្នំពេញ ៖ បុរសម្នាក់មកពីខេត្តពោធិ៍សាត់ បានណាត់ជួបស្រីស្នេហ៍ នៅរាជធានីភ្នំពេញ ដើម្បីឌុបគ្នាដើរលេង តែត្រូវស្រីស្នេហ៍បបួល ចូលផ្ទះសំណាក់ ហើយប្រើល្បិចយកម៉ូតូមួយគ្រឿង ខណៈដែលជនរងគ្រោះ ចូលក្នុងបន្ទប់ទឹក បង្កឲ្យមានការផ្អើលឆោរឡោ កាលពីវេលាម៉ោង ៥ល្ងាច ថ្ងៃទី២៥ ខែកក្កដា ឆ្នាំ២០១៧ ស្ថិតក្នុង រិទ្ធីហេង១ តាមបណ្តោយផ្លូវ២០០៤ ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។

ជនរងគ្រោះដែលចាញ់បោកស្រីស្នេហ៍ អស់ម៉ូតូមួយគ្រឿងនោះមានឈ្មោះ នុត ស៊ីសុម៉ន អាយុ ២៥ឆ្នាំ មុខរបរជាគ្រូបង្រៀន មានស្រុកកំណើតនៅភូមិផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។ ម៉ូតូដែលបាត់នោះ ម៉ាកហុងដាសេ១២៥ ស៊េរីឆ្នាំ២០១៥ ពណ៌ខ្មៅ មិនចាំស្លាកលេខ រីឯនារីជាជនសង្ស័យ ត្រូវបានគេស្គាល់ឈ្មោះ ផាន់ណា អាយុ ២២ឆ្នាំ មុខរបរកម្មការិនីរោងចក្រ ស្នាក់នៅផ្ទះជួលម្តុំទឹកថ្លា ខណ្ឌសែនសុខ។

 ជននរងគ្រោះធ្លាប់ស្គាល់នារីខាងលើនេះ រយៈពេល ២-៣ខែមកហើយ ថែមទាំងធ្លាប់ដើរលេង និងចូលផ្ទះសំណាក់ ជាមួយគ្នាទៀតផង រហូតដល់នាង បានមកធ្វើការនៅភ្នំពេញ ចំណែកខ្លួនធ្វើការនៅស្រុកកំណើត ។ នៅថ្ងៃកើតហេតុជនរងគ្រោះ និងនារីសង្ស័យ បានទូរស័ព្ទណាត់គ្នា ដើម្បីជិះម៉ូតូដើរលេង ហើយនាងបានបបួល ចូលផ្ទះសំណាក់ នៅវេលាម៉ោង ២រហូតដល់ម៉ោង ៥ល្ងាច ។ ពេលចូលផ្ទះសំណាក់ហើយ ជនរងគ្រោះបានចូល ក្នុងបន្ទប់ទឹក ពេលចេញមកវិញ មិនឃើញនារីសង្ស័យនោះទេ ហើយបាត់ម៉ូតូទៀតផង៕