ប៉ាច គីមមួយ បង្អួតសម្រស់លើឆ្នេរខ្សាច់ ទឹកដីកំពង់សោម!

(ភ្នំពេញ)៖ តារាស្រី ប៉ាច គីមមួយ ជាអតីតបេក្ខនារីប្រឡងចម្រៀង នៅក្នុងកម្មវីធីប្រឡងចម្រៀង The Voice Cambodia រដូវកាលទី១ ត្រូវបានគេសង្កេតឃើញថា អាជីពសិល្បៈរបស់នាងមានការវិវត្តខ្លួនយ៉ាងខ្លាំងគួរឲ្យកត់សំគាល់ ពិសេសសុខភាពសម្រស់ មានភាពខុសប្លែកពីពេលដែលនាងនៅជាបេក្ខជនប្រឡងចម្រៀងលើកដំបូង។ ថ្មីៗនេះ បានរំលេចខ្លួនយ៉ាងស្រស់ត្រកាលតាមបណ្ដោយឆ្នេរខ្សាច់នៅលើតំបន់មាត់សមុទ្រ នៃទឹកដីខេត្តព្រះសីហនុ។
ការបង្ហាញខ្លួនលើកនេះធ្វើឲ្យមហាជនចាប់អារម្មណ៍យ៉ាងខ្លាំងដោយសារតារាស្រី ប៉ាច គីមមួយ បានបង្អួតសម្រស់ជាមួយសម្លៀកបំពាក់មួយឈុតបែបដំណើរកម្សាន្តតាមមាត់សមុទ្រ។ តាមរយៈឈុតបែបដំណើរកម្សាន្តមួយនេះ ត្រូវបានអ្នកគាំទ្រសរសើរ មិនដាច់ពីមាត់ថា នាងជានារីដែលស្រស់ស្អាត សមទៅនឹងដងខ្លួនស្រឡូនរបស់នាង។
គួរបញ្ជាក់ថា តារាចម្រៀងរាងតូចច្រឡឹងកញ្ញា ប៉ាច គីមមួយ មិនត្រឹមតែមានការវិវត្តន៍ប្លែកនោះទេ បើក្រឡេកមើលការងារសិល្បៈវិញ ក៏មិនអន់ដែរ ឃើញថាមានការមមាញឹកទាំងការប្រគំតន្រ្តី ការថតចម្រៀង។ មួយរយៈពេលកន្លងមកនេះ គីមមួយ មានការមមាញឹកទើបតែថតចម្រៀងបញ្ចប់ហើយថ្មីៗនេះទទួលបានការចាប់អារម្មណ៍យ៉ាងខ្លាំងពីប្រិយមិត្តគ្រប់ៗរូប។ បន្ថែមលើការច្រៀងនៅក្នុងផលិតកម្ម We Productions នាងក៏បានច្រៀងនៅតាមកម្មវិធីផ្សេងៗជាច្រើនដូច្នេះធ្វើឲ្យនាងរវល់នឹងការងារសិល្បៈយ៉ាងខ្លាំង៕