West Ham បញ្ចប់​ការផ្ទេរ Chicharito តម្លៃ​១៦​លាន​ផោន

West Ham United បញ្ជាក់នៅថ្ងៃចន្ទ ថា ពួកគេបានបញ្ចប់ការផ្ទេរ​ខ្សែប្រយុទ្ធ Javier Chicharito Hernandez ពី Bayer Leverkusen ក្នុង​តម្លៃ​១៦​លាន​ផោន​ ជាមួយនឹងកិច្ចសន្យា៣ឆ្នាំ។

កីឡាករជម្រើសជាតិម៉ិកស៊ីកូ​ខាង​លើ​ធ្លាប់​លេង Manchester United បន្ទាប់ពី​ផ្លាស់ពី Chivas ក្នុងឆ្នាំ២០១០ ដោយ​ទាត់​បញ្ចូលទី៥៩​គ្រាប់​ក្នុងចំណោម​១៥៦​ប្រកួត និង បាន​ផ្ទេរ​ទៅ Real Madrid ក្នុង​កិច្ចសន្យា​ខ្ចី​មួយរយៈ​ផងដែរ មុនចូលរួមជាមួយនឹង Leverkusen នៅឆ្នាំ២០១៥។

នៅ​អាល្លឺម៉ង់ Chicharito ទាត់ចូល៣៩​គ្រាប់​ក្នុងចំណោម៧៦ប្រកួត និង ក្លាយជាកីឡាករ​ម៉ិកស៊ីកូ ទាត់បញ្ចូលទី​ច្រើន​ជាង​គេដោយ​រកបាន​៤៨​គ្រាប់​ពេល​បំប៉ោងសំណាញ់ព័រទុយហ្គាល់​ក្នុងពាន Confderations Cup កាល​ខែមុន៕

ប្រភព ៖ reuters