ខេត្តព្រៃវែង ៖ ស្រីក្រមុំជនបទម្នាក់ ត្រូវបានក្រុមជនអន្ធពាល២នាក់ រៀបអន្ទាក់ចាប់រំលោភ បានសម្រេច កាលពីវេលាម៉ោង ៨:៣៥នាទីយប់ ថ្ងៃទី០៤កញ្ញា២០១៧ ខណះក្រុមគ្រួសារ

ខេត្តព្រៃវែង ៖ ស្រីក្រមុំជនបទម្នាក់ ត្រូវបានក្រុមជនអន្ធពាល២នាក់ រៀបអន្ទាក់ចាប់រំលោភ បានសម្រេច កាលពីវេលាម៉ោង ៨:៣៥នាទីយប់ ថ្ងៃទី០៤កញ្ញា២០១៧ ខណះក្រុមគ្រួសារ

ជនរងគ្រោះ បានបាត់សត្វក្របីហើយ ក៏បានបបួលកូនស្រីក្រមុំ ដើររកទាំងយប់ ក្រែងបាន

ឃើញសត្វក្របីខ្លួនវិញ លុះដើរកកាន់តែឆ្ងាយលង់ទៅៗ ក៏ដើរមកដល់គីឡូម៉ែត្រ ខាងកើតព្រំ

ប្រទល់ឃុំជាងដែក និងឃុំពាមបន្ធារ មានចំងាយ១០០ម៉ែត្រ ដែលស្ថិតនៅភូមិបឹងក្រទឹប ឃុំជាងដែក ស្រុកកំពង់ត្របែក ខេត្តព្រៃវែង ។

 

យុវតីស្រីក្រមុំរងគ្រោះមានឈ្មោះ ស.ស.អ អាយុ២១ឆ្នាំ មានទីលំនៅ... នៅពេលដែលម្ដាយនិងកូន កំពុងតែដើរ ដល់ចំណុចកើតហេតុ ក្រុមជនអន្ធពាល បានរៀបអន្ទាក់ ហើយស្ទុះទៅចាប់ម្ដាយទុក ឯម្នាក់ទៀត​ ក៏បានចាប់នាងរងគ្រោះ រំលោភទាល់តែបានសម្រេចតែម្ដង។ បើតាមប្រសាសន៍លោកអធិការ សួន សំអឿន ថា នេះជាការរៀបចំវិធី ក្នុងការសម្រេចបំណង រំលោភសេពសន្ធវៈ ដោយម្នាក់ចាប់ម្ដាយ និងម្នាក់ចាប់កូន។

នៅក្រោយពេលកើតហេតុ ដោយមានការសង្ស័យ សមត្ថកិច្ចប៉ុស្តិ៍ បានធ្វើការឃាត់ខ្លួន ជនសង្ស័យម្នាក់ឈ្មោះ ខេន សុគុម ភេទប្រុស អាយុ២១ឆ្នាំ ជាអ្នកចាប់ម្ដាយទុក ចំណែកម្នាក់ជាអ្នកចាប់រំលោភនាងរងគ្រោះ បានសម្រេច មានឈ្មោះ ឌែង ភេទប្រុស អាយុ២៨ឆ្នាំ (រត់បានស្រមោល) អ្នកទាំងពីរមានទីលំនៅភូមិជាងដែក ឃុំជាងដែក ស្រុកកំពង់ត្របែក ខេត្តព្រៃវែង ។

បច្ចុប្បន្ន សមត្ថកិច្ចកំពុងដុតដៃដុតជើង តាមចាប់ខ្លួន ជនសង្ស័យឈ្មោះឌែង ដែលរួចគេចខ្លួននោះ មកផ្ដន្ទាទោស តាមមាត្រាច្បាប់ឲ្យខានតែបាន ៕