ជនជាតិចិនប្រមាណ ២០ម៉ឺននាក់កំពុងរកស៊ីលើទឹកដីកម្ពុជា
- ទេសចរចិនមកកម្ពុជា សរុបជាង ១លាននាក់
- ទំហំវិនិយោគទ្វេរភាគី កម្ពុជានិងចិន ប្រមាណ ៥ពាន់លានដុល្លារនៅឆ្នាំ ២០១៦
លោកឧកញ៉ា ពុង ឃាវសែ ប្រធានសមាគមខ្មែរ ចិន នៅកម្ពុជា បានថ្លែងក្នុងឱកាសផ្លូវសូត្រសមុទ្រ នាព្រឹកមិញនេះថា ប្រជាជនដែលមានសញ្ជាតិចិន បាន និងកំពុងរកស៊ីនៅលើទឹកដីខ្មែរ មានរហូតដល់ ២០ម៉ឺននាក់ ជាមួយនឹងចំនួនប្រជាជនចិន និងអនិកជនចិនមកលេងនៅប្រទេសកម្ពុជាសរុបជាង ១លាននាក់ក្នុងមួយឆ្នាំ។
លោកបន្តថា ចំនួនប្រជាជនចិនមកកម្ពុជាកាន់តែច្រើនឡើង ដោយសារតែកម្ពុជាមានគោលនយោបាយអំណោយផល និងបើកចំហរលើកទឹកចិត្តវិនិយោគិន។ ទន្ទឹមនឹងនោះ វិនិយោគិនចិនបានវិនិយោគនៅក្នុងវិស័យឧស្សាហកម្មកាត់ដេរសំលៀកបំពាក់ បានផ្ដល់ការងារដល់ប្រជាជនខ្មែរប្រមាណ ៦០ម៉ឺននាក់។
បើយោងតាមការគូសបញ្ជាក់ពីមន្ត្រីជាន់ខ្ពស់នៃក្រុមប្រឹក្សាពាណិជ្ជកម្ម ចិន-អាស៊ាន បានឲ្យដឹងថា ទំហំវិនិយោគទ្វេរភាគី កម្ពុជានិងចិន ប្រមាណ ៥ប៊ីលានដុល្លារនៅឆ្នាំ ២០១៦ និងបន្តពង្រីកឲ្យបាន ៦ប៊ីលានដុល្លារនៅឆ្នាំ ២០២០៕
Post a Comment